arab sd: Quotations & citations

[r12a]

Quotation marks

description

“جهنڊا کڻو نعرا هڻو، هلندا هلو، هلندا هلو”… ڪو دور هوندو هو ته پوري دنيا ۾ عوام پنهنجي ليڊرشپ جي هڪ سڏ تي هر شئي قربان ڪرڻ لاءِ نڪري ايندو هو ۽ هاڻ سنڌ سميت پوري دنيا مان سچي ليڊرشپ جي گذاري وڃڻ کانپوءِ به عوام پاڻ “آپي رانجها هوئي” بڻجي پوري دنيا ۾ آمرن ۽ عوام دشمني ڪندڙن کي للڪاري رهيو آهي. پاڪستان سميت دنيا جي اسرندڙ ملڪن جي حڪمرانن جي عياشين ۽ ڪرپشن جي ڪري جيڪا تباهي ٿي آهي، ان تي عوام اڄ به سراپا احتجاج آهي پر ليڊرشپ گم آهي. ڪجهه عرصو اڳ آزاد ڪشمير ۾ عوامي احتجاج حڪمرانن کي پوئتي پير ڪرڻ تي مجبور ڪيو، هندستان ۾ هارين ايوانن کي لوڏي ڇڏيو، غزه جنگ تي آمريڪا جي عظيم شاگردن حق جو عَلم بلند ڪري پوري دنيا کي حيران ڪري ڇڏيو ته بک بدحالي جو شڪار ڪارا آفريڪي ماڻهو سينو تاڻي حڪمرانن جي ڪرپشن خلاف روڊن تي نڪري بندوقن اڳيان اچي ثابت ڪيو آهي ته هاڻ، “اوهان جي من مستي” نه هلندي. عالمي مالياتي ادارن جتي پاڪستان کي ڪشڪول کڻڻ تي مجبور ڪيو آهي، اتي آفريڪي عوام انهن کي سندن فيصلا واپس وٺڻ تي مجبور ڪري وڌو آهي. ڪينيا جي عظيم عوام ماني ڳڀي تي مڙهيل ٽيڪسن خلاف جيڪو آواز بلند ڪيو، ان جو پڙاڏو پوري آفريڪي خطي ۾ گونجڻ شروع ٿي ويو آهي.

source